Shkodran Mustafi ka rënë pre e një grabitjeje në shtëpinë e tij gjatë fundjavës.
Futbollisti me origjinë shqiptare po qëndron në periferi të Valencias pasi aktivizohet me skuadrën e Levantes, dhe sipas mediave spanjolle grabitësit kanë hyrë në shtëpinë e tij duke marrë disa sende me vlerë dhe disa shuma monetare.
Gazeta “ Levante” raporton se ata hynë në banesë në orët e para të mëngjesit teksa futbollisti po flinte, ndërsa u zgjua nga zhurma që ata po bënin gjatë plaçkitjes. Kur futbollisti u zgjua hajdutët u larguan por jo duarbosh.
Pavarësisht dëmit, Mustafi u shpreh i lehtësuar që grabitësit u larguan pa ndonjë konflikt që mund t’i rrezikonte jetën atij apo gruas dhe dy fëmijëve të mitur që ishin me të në banesë.
