Një bankë e nivelit të dytë u grabit ditën e sotme në Koplik në orën 14:00, ndërsa policia është vënë në ndjekje të autorëve.
Në ndihmë të Policisë lokale kanë shkuar shërbimet e Drejtorisë Vendore të Policisë Shkodër dhe grupe të FNSH Shkodër. Gjithashtu policia tha se janë ngritur pika kontrolli, me qëllim identifikimin dhe kapjen e autorëve.
Përveç forcave të FNSH, policia po patrullon zonën edhe me helikopter. Dyshohet se autorët janë drejtuar drejt fshatrave kufitare me Malin e Zi.
