Ajas Sulejmani është 39-vjeçari i cili shkaktoi aksidentin e rëndë te Rruga e Kavajës para pak ditësh.
Sipas mediave, hetimet paraprake kanë zbuluar se 39-vjeçari ishte përdorues i dy lëndëve narkotike, të kanabisit dhe drogës sintetike metamfetaminë. Por në lidhje me aksidentin e rëndë ku u plagos çifti Konomi dhe vajza e tyre 3-muajshe, Sulejmani ka thënë se nuk ka qenë lënda narkotike shkak për atë që ndodhi pasi sipas tij ai ka qenë duke lëvizur me 40 km/h.
Ai ka treguar se frenoi në momentin që semafori u bë i kuq mirëpo nuk e mbajtën frenat.
Sapo u bë i kuq kam nisur të frenoj, por nuk më mbajtën frenat dhe nuk mund ta evitoja aksidentin.
Ndërkohë në lidhje me largimin nga vendi i aksidentit ai ka deklaruar se nuk ka patur qëllim të ikte, por duke qenë se me vete kishte edhe vajzën e mitur është detyruar të largohet. Sipas tij edhe vajza ishte traumatizuar nga ky aksident.
