Fundi i kampionateve dhe ndeshjet vendimtare për objektivat e skuadrave të caktuara ishin në fokus të gazetave kryesore sportive.
Për me tepër ndiqni titujt kryesorë të mediave sportive:
“Nënkampion” shkruan “SPORT” për Barcelonën që konsolidon vendin e dytë në La Liga pas barazimit me Getafen 0-0.
“Pikë argjendi” e quan “Mundo Deportivo” barazimin e Barcelonës, rezultat ky që u siguroi atyre vendin e dytë në kampionat.
“90 minuta deri në jetë a vdekje” shkruan “MARCA” mbi barazim e Cadiz me Real Madrid, me vendasit që do të luftojnë për mbijetesë ndeshjen e fundit.
“Buzëqeshje dhe lot” është titulli kryesor i “AS”, duke ju referuar ndeshjeve të javës së 37 në La Liga ku Sociedad, Betis, Sevilla dhe Atletico Madrid siguruan pjesëmarrjen e tyre në kompeticionet europiane ndërsa Levante dhe Alaves përfunduan në Secunda Division.
“30 ndeshje, 30 fitore”, është titulli i “L’Esportiu” për fitoren e titullit absolut nga ekipi i femrave të Barcelonës pa asnjë humbe apo barazim të vetëm.
“La Gazeta dello Sport” shkruan për garën e titullit kampion në Itali ku fitorja e Interit shtyu festën e Milanit në ndeshjen e fundit me titullin: “Deri në golin e fundit”.
“Daily Sport Express” shkruan për barazimin e Manchester City-t ndaj West Ham dhe mban titull kryesor: “Ju lutem, nuk duam një tjetër Sergiodrama”! Kjo pasi dhe vetë Guardiola nuk dëshiron përsëritjen e një skenari si ai i vitit 2012 kur Aguero vendosi ndeshjen ndaj QPR dhe fitoren e titullin në minutat e fundit.
