Avokati i gjeneralit Ratko Mlladiç, Branko Lukiq, tha se ai ishte në gjendje shumë të keqe shëndetësore por theksoi se nuk mund të tregojë se nga se vuan ai.
Sipas mediave vendase, avokati thekson se mjeku i Hagës, Paulus Falke (i njohur ndryshe si Doktori i Vdekjes) është ende “mjeshtër i jetës dhe vdekjes” në gjykatën e Hagës.
Lukic thekson se Tribunali i Hagës është duke fabrikuar dhe krijuar prova dhe ata ose po shkatërrojnë provat reale ose nuk do t’i dëgjojnë ato.
“Ajo gjykatë është, siç ka dashur të thotë gjenerali Mlladiç, një komision i NATO-s. Ata bënë atë që ishte detyrë e tyre dhe nuk u interesuan faktet”– tha Branko Lukiç.
Ai kujtoi faktin se ndihmësgjyqtari kryesor i Tribunalit të Hagës, Alfons Ori, deklaroi në vitin 2018 se nuk kishte asnjë mbledhje të udhëheqjes ushtarake të Republikës Srpska në të cilën ishte rënë dakord për kryerjen e krimit në Srebrenicë dhe as një vendim me shkrim, as nuk mund të shihet nga takimet për të cilat ka vërejtje.
“Këtë e kemi theksuar në ankesën tonë! A mendoni se dikush e ka lexuar atë? Askush nuk e lexoi, as nuk u interesua ta lexonte”-përfundoi ai.
Gjykata Ndërkombëtare Penale për Ish-Jugosllavinë ka shqiptuar dënim me burg të përjetshëm për ish-komandantin serb Ratko Mladiç. Ai u shpall fajtor për dhjetë nga gjithsej 11 pikat që gjendeshin në aktakuzë. Ish-gjenerali serb është dënuar edhe për gjenocidin e Srebrenicës në vitin 1995, në të cilën ushtarët serbë vranë mbi tetë mijë meshkuj boshnjakë. Gjykata shpalli se ai është përfshirë në gjenocid, persekutim, asgjësim, vrasje dhe akte çnjerëzore të transferimit me forcë në Srebrenicë. Krahas gjenocidit në Srebrenicë, Mladiç u shpall fajtor edhe për dëbim, asgjësim, robërim, vrasje, deportim dhe sulme antiligjore kundër civilëve, shkruan Anadolu Agency.
