Rusia i vazhdon sulmet në Siri ndërkohë në sulmin më të fundit bëhet me dije se janë vrarë dy ushtarë turq. Të dhënat e medieve ndërkombëtare tregojnë se në sulmin rus janë konstatuar edhe 5 ushtarë të tjerë turq të plagosur rëndë.
Edhe pala turke e ka pranuar sulmin dhe humbjet e ushtarëve të saj ndërkohë që bashkë me rusët gjenden në rajonin e shumëpërfolur të Idlibit, zonë në të cilën po përgatitet një përshkallëzim i dhunës civile.
Kështu forcat ajrore ruse, që përkrahin forcat qeveritare siriane, kanë kryer sulmet me bombarduese të tipit Su-24. Por për dallim nga Rusia, Turqia, vend anëtar i NATO-s, përkrah militantët që kundërshtojnë qeverinë e presidentit sirian, Bashar al-Assad, ndërkohë që vetë ministria turke e Mbrojtjes ka pretenduar se mbi 50 ushtarë qeveritarë të Sirisë janë vrarë si përgjigje ndaj sulmeve!
Përleshjet në Idlib, rajonin e fundit të kontrolluar nga rebelët që kundërshtojnë regjimin sirian, janë duke ndodhur një ditë pasi presidenti turk, Recep Tayyip Erdogan, ka paralajmëruar për ofensivë turke në këtë rajon. Të përkrahura nga forcat ajrore ruse, trupat siriane janë duke tentuar të pushtojnë këtë rajon, tregojnë mediet ndërkombëtare!
