Francesco Totti thyen heshtjen dhe flet për krizën e pretenduar me bashkëshorten. Ish-kapiteni i Romës sonte, para se të shkonte në darkë me familjen, ka dashur të flasë për situatën përmes rrjeteve të tij sociale: “Këto orët e fundit kam lexuar shumë për veten dhe veçanërisht për familjen time. Nuk është hera e parë që dëgjoj këto lajme të rreme. Unë ju drejtohem të gjithë juve që shkruani këto gjëra: kushtojini vëmendje sepse ka fëmijë të përfshirë dhe ata duhen respektuar. Dhe sinqerisht jam lodhur shumë”.
Në orët e fundit u përhapën thashethemet për një krizë mes ish-kapitenit të Romës dhe showgirl-it që do të kishte çuar në një ndarje mes të dyve pas një sherri më 4 shkurt gjatë një udhëtimi në Castel Gandolfo. Thashethemet e mohuara nga Totti, si dhe flirtimin e supozuar mes tij dhe tridhjetë e tre vjeçares Noemi Bocchi, ai i ka komentuar si “Fake news”. Ai vendosi që mbrëmjen e sotme të darkonte me familjen në një restorant të njohur në Quirinale për të mohuar njëherë e mirë lajmet mbi krizën e supozuar të çiftit.
