Partia Demokratike, përmes ish-deputetes, Izmira Ulqinaku ka reguar për ngjarjen e rëndë ku vetëvar me çarçaf i dënuari për 12 mijë lek Bilbil Hasani.
Përmes një statusi në Facebook, ajo akuzon kryeministrin duke theksuar se Rama i ka mbushur qelitë me “hallexhinj”, ndërsa “kriminelët i mban në qeveri dhe bashki”.
Ulqinaku përmend edhe emra konkretë, sipas së cilës, ata janë pasuruar nga Edi Rama dhe se është e pamundur të dënohen derisa ai të jetë Kryeministër. Ndërsa shkruan se kryefamiljarë të shumtë i kanë dhënë fund jetës nga pamundësia ekonomike e pagesës së tarifave të energjisë elektrike.
“Kriminelët e vërtetë të Shqipërisë janë pasuruar nga Edi Rama dhe është e pamundur të dënohen derisa ai të jetë Kryeministër. Saimir Tahiri, Fatmir Xhafaj, Vangjush Dako, Arben Ndoka, Armando Prenga, etj, me në krye Edi Ramën, janë të lirë dhe po shijojnë paratë e pasuritë e vëna nga korrupsioni, krimi e droga. Janë këto kriminelë që e sollën Ramën në pushtet dhe jo vota e lirë, prandaj politika e tij është t’i varfërojë e t’i shtypë shqiptarët e zakonshëm e të pamundur, sepse i blen më lehtë kur ka zgjedhje”, shkruan mes të tjerash ish-deputetja.
