Një burrë britanik ka ndërruar jetë dhe një grua që besohet se është partnerja e tij është plagosur rëndë, pasi thuhet se një ‘lojë seksi’ ka shkuar tmerrësisht keq.
Ka qenë një shërbyese dhome në një hotel luksoz prej 350 paund nata në Firence të Italisë, që ka ngritur alarmin pasi gruaja britanike i ka kërkuar ndihmë. Ndërkohë gruaja ishte e mbuluar me prerje dhe mavijosje.
Mjekët ndihmës nxituan në hotelin me katër yje në qendër të Firences dhe gruaja u dërgua në spitalin Careggi aty pranë, ku raportohet se është në një gjendje të rëndë, por të qëndrueshme.
Çifti thuhet se janë agjentë imobiliare nga zona e Mançesterit. Gazeta italiane “La Nazione” raporton: “Ndër hipotezat që ende duhet të konfirmohen nga hetuesit është ajo e një sherri mes dy turistëve që kulmoi me dhunë”.
Pushuesit e tjerë në hotel thuhet se kishin kontaktuar recepsionin për “bërtitje dhe goditje” që vinin nga dhoma e çiftit.
40-vjeçari britanik që vdiq, mësohet se ka pësuar një “krizë” teksa merrte pjesë në një lojë seksuale me partneren e tij 43-vjeçare.
