Në natën e dytë të “Sunny Hill Festival” që u mbajt mbrëmë (e premten) në skenë u ngjit ylli latin me famë botërore, J Balvin.
Artisti i famshëm nga Kolumbia performoi hitet e tij më të njohur ndërsa nuk munguan edhe momentet e veçanta që shënuan performancën e tij.
Në një moment gjatë perfromancës, krijuesi i hitit “In Da Getto” mbajti në duar flamurin e Kosovës teksa edhe u dëgjua të thotë: “Të dua” në shqip.
Balvin-emri i vërtetë i të cilit është Jose Alvaro Osorio Balvin njihet për hitet të shumta si : In Da Getto, Mi Gente, Agua, Rojo dhe “Un Dia” që e solli në bashkëpunimin me yllin shqiptar, Dua Lipa.
Dua e cila performoi në natën e parë të festivalit ishte e pranishme në publik për të ndjekur nga afër koncertin e J Balvin dhe u pa duke bërë shqiponjën me krenari para turmës.
Ajo ka dokumentuar natën e mbrëmshëm duke postuar video të shumta në llogarinë e saj në Instagram nga atmosfera e krijuar në parkun e Gërmisë.
View this post on Instagram
Autorja e hitit “New Rules” gjatë ditës së djeshme u nderua me titullin Ambasadore Nderi e Republikës së Kosovës nga presidentja Vjosa Osmani.
Ndërkohë, sot (e shtunë) në natën e tretë të festivalit performon reperi britanik, Skepta për të vazhduar në natën e fundit me DJ-në amerikan, Diplo.
@agnesaramax J Balvin at Sunny Hill Festival 🇽🇰🫶🏼 #jbalvin #kosovo #sunnyhillfestival2022
