Para disa muajsh, aktorja e njohur Delinda Disha, humbi dy binjakët që ajo priste të sillte në jetë. Lajmin e trishtë, ajo e ndau me ndjekësit në Instagram dhe iu rikthye menjëherë punës dhe skenës.
Kjo ka bërë që ajo të duket tepër e fortë, gjë që i ka rënë në sy ndjekësve. “Si e kalove kaq lehtë situatën kur humbe bebushat? Duket sikur çdo gjë shkon shumë mirë”– i ka shkruar një prej tyre në një “mini-intervistë” virtuale që ajo ka zhvilluar me ta në Instagram.
Aktorja ka rrëfyer se atë periudhë nuk e ka kaluar mirë. Ajo ka shtuar se dhimbja e humbjes së binjakëve është një dhimbje që jeton me të.
“Nuk e kam kaluar mirë fare vuajta shumë. Është dhimbje që jeton me mua. Ishin 2. Jeta vazhdon kam Dasantinin, Eldon, familjen time, motrat, shumë njerëz që kanë nevojë për mua dhe dashurinë që i fal unë”- ka shkruar Delinda.
Këto ditë, aktorja ka shkuar në Egjipt për pushimet me familjen. Sakaq ajo është edhe nënë e një djali.
