Pala greke ka vendosur të shtojë sportelet në pikën kufitare të Kakavijës pas radhës së gjatë të automjeteve të krijuar prej orëve të para të mëngjesit të sotëm.
Tashmë po punohet me procedurë të përshpejtuar për automjetet që pritet të hyjnë në tokën shqiptare. Masat erdhën disa orë pas fluksit të lartë të automjeteve në kufi.
Në lidhje me këtë çështje ka reaguar edhe Ministria e Punëve të Jashtme, që tregon se është në kontakte të vazhdueshme me palën greke pas radhës së krijuar në Kakavijë. Në njoftimin zyrtar bëhet me dije se pas kërkesës së palës shqiptare ndaj Ministrisë së Brendshme të Greqisë në pjesën greke nisi procedura e kalimit të përshpejtuar. Kjo gjë ka sjellë dhe përshpejtimin e procedurave.
Njoftimi:
Pas informacioneve për rradhët e shtuara të automjeteve në kalimin nga Greqia për në Shqipëri, në pikën doganore të Kakavijës, Ministria për Evropën dhe Punët e Jashtme njofton se përmes Ambasadës së Republikës së Shqipërisë në Athinë dhe Ambasadës së Greqisë në Tiranë është në kontakt të vazhdueshëm me autoritetet greke, për zgjidhjen sa më të shpejtë të situatës.
Pas kërkesës së palës shqiptare ndaj Ministrisë së Brendshme të Greqisë në pjesën greke nisi procedura e kalimit të përshpejtuar, një procedurë teknike që ka çuar në lehtësimin e lëvizjes. Ndërkohë autoritetet greke kanë marrë përsipër edhe shtimin e numrit të sporteleve. Në pikën doganoee ka mbërritue edhe Drejtori i Përgjithshëm i Policisë për qarkut për palën greke. Aktualisht, situata po shkon drejt normalizimit.
