Policia e Tiranës ka arrestuar 55-vjeçarin, Qani Muça si autor i dyshuar i plagosjes së punonjësit të IMT-së së Bashkisë së Tiranës. Ngjarja ndodhi dje rreth orës 17:30 në kryqëzimin e rrugës “Todi Shkurti” me rrugën “Kristaq Capo” në Astir.
Muça plagosi me armë zjarri punonjësin lirjan Gavelli 52 vjeç që sapo kishte përfunduar zbatimin e një vendimi.
Sakaq, ditën e sotme ai ka treguar se ka qëlluar në drejtim të tij pasi ka qenë në gjendje depressive. Në rrëfimin para oficerit të policisë gjyqësore, 55-vjeçari tha se është dëshpëruar kur ka parë që i kanë shembur shtëpinë.
“E qëllova, isha në depresion se do më prishnin shtëpinë e mbeta në mes të rrugës,”- ka thënë ai.
Ndërkohë, Gavelli, ndodhet në spital pas plagosjes, nën kujdesin e mjekëve.
