Situata e Cristiano Ronaldos te Manchester United është në një moment shumë të vështirë, ndërsa edhe vetë klubi është në vështirësi.
Mediat kanë aluduar për klimë aspak të mirë mes portugezit dhe skuadrës së United, por CR7 ka shpërthyer me në fund në rrjetet sociale duke u shprehur se mediat gënjejnë dhe se të vërtetën do ta tregojë në një intervistë pas dy javëve.
Përmes rrjeteve sociale thekson se shumica e lajmeve rreth tij kanë qenë “fake” dhe se shpejti pritet të sqarojë gjithçka përmes një interviste.
“Ata do ta dinë të vërtetën pas dy javësh, kur të jap një intervistë. Mediat gënjejnë. Unë kam një koleksion në shtëpi dhe nga 100 lajme vetëm 5 janë të vërteta. Imagjinoni si është situata. Ndiqeni këtë këshillë”, shkruan Ronaldo, i cili është nën kontratë me Manchester United dhe shumëkush ka pritur që këtë verë të ndryshonte skuadër.
