Interneti është mënyra më e lehtë për tu argëtuar e informuar, por nuk mund t’i shmangemi dot as lajmeve që na prekin zemrën të gjithëve.
Së fundmi, fotoja e dy vëllezërve, ka përlotur një botë të tërë, dhe jo pa arsye.
Në foto shihet një djalë 15-vjeçar, i cili vuan nga kanceri, teksa ngushëllon vëllain e tij që qante pasi i tregoi se do të vdiste së shpejti.
Siç shkruan Daily Mail, adoleshenti, i quajtur Ian, u diagnostikua me osteosarkoma, një lloj kanceri i kockave, në vitin 2019. Pasi iu nënshtrua një operacioni dhe për muaj të tërë bëri kimioterapim familja e tij u gëzua kur mori vesh se kanceri ishte larguar. Por gëzimi nuk zgjati për shumë kohë, pasi në vitin 2021 ata zbuluan se sëmundja ishte rikthyer. Jo vetëm kaq, ishte përhapur në të gjithë trupin e tij.
Ianit dhe familjes së tij i është thënë se nuk mund të bëjnë asgjë tjetër. Kur Ian ndau lajmin e tmerrshëm me vëllain e tij më të vogël, Peter, mosha e të cilit nuk dihet, ai shpërtheu në lot.
Por Ian, duke treguar guxim e ngushëlloi dhe i kërkoi falje që nuk mundi dot kancerin. Një foto mallëngjyese e dy fëmijëve u postua në Facebook nga një burrë nga Oregon, i quajtur Banjemin Elliott, lidhja e të cilit me Ian dhe Peter nuk dihet.
“Pa folur, kjo foto përcjell një mesazh më të fortë se sa fjalët”, ka shkruar Benjamin në mbishkrim.
Mesazhet më të forta për jetën, vijnë edhe kështu, nga thjesht një foto…
