Pas vdekjes së Mbretëreshës Elizabeth II më 8 shtator, djali i saj i madh Charles u bë automatikisht mbret.
Sot ai mori zyrtarisht fronin, bashkë me shumë privilegje…
Mbreti i ri nuk do të ketë nevojë për pasaportë apo patentë shoferi dhe do të zotërojë të gjitha mjellmat dhe blirët e Britanisë së Madhe.
Mbreti nuk voton kurrë në zgjedhje, sepse duhet të respektojë neutralitetin e rreptë politik dhe as nuk mund të kandidojë për zgjedhje. Megjithatë, monarku hap seancat e parlamentit dhe mandaton kryeministrin, me të cilin më pas ka takime të rregullta.
Nëna e Charles, Mbretëresja Elizabeth II, e cila vdiq të enjten në moshën 97-vjeçare, festoi ditëlindjen dy herë në vit. Mbretëresha kishte një festë familjare në ditëlindjen e saj më 21 prill, dhe festimi zyrtar ishte tradicionalisht të shtunën e dytë të qershorit. Kjo u bë për shkak të motit të paqëndrueshëm në Angli.
Por, kjo nuk është asgjë e pazakontë, pasi festimet e ditëlindjes së sovranit shpesh mbahen në një ditë të ndryshme nga dita e lindjes, veçanërisht nëse nuk është gjatë verës.
Kështu do të ndodhë edhe me Charles III, i cili lindi më 14 nëntor 1948.
Gjëja interesante është se mbreti nuk sundon vetëm britanikët. Për disa shekuj, mjellmat në të gjithë vendin janë konsideruar me të vërtetë pronë e monarkut britanik. Mbreti zotëron gjithashtu blirë, delfinë dhe balena në ujërat e Mbretërisë së Bashkuar.
