Koordinatorja e Luftes Anti Korrupsion në Partinë e Lirisë, Briseida Shehaj, ka folur lidhur me protestën e zhvilluar pasditen e sotme te inceneratori i Tiranës.
Në emisionin “Opinion”, Shehaj komentoi dhe numrin e ulët të protestuesve, duke thënë se protesta nuk ishte politike, por një protestë “në një vend të caktuar ku vidhen miliona euro.”
“Nuk po thërret një protestë politike, aty u thirr një protestë në një vend të caktuar. Ajo çka kërkohet, të ngrihet një sistem drejtësie për t’i dhënë fund një maskarade. Që të funksionojë drejtësia, të mos kemi një opozitë të shitur që bën pazare. Ne thamë që do jetë një protestë, 40 minuta larg Tirane. Merreni si foli Meta dhe sa njerëz, ju nuk merreni se çfarë thashë unë atje.
Detyra jonë është bëjmë të mundur të ketë drejtësi në këtë vend”, tha Shehaj.
