Mënyra sesi personi i parë që u identifikua me koronaviuris, Covid-19, në Francë është ende një mister. Ai ishte një burrë i moshës 60-vjeçare, mësues në një shkollë të mesme në departamentin e Oise, në veri të Parisit.
60-vjeçari nuk kishte udhëtuar kurrë në Kinë apo në ndonjë vend tjetër i konsideruar i rrezikshëm. Profesori francez ishte shtruar në spital, por nuk ishte testuar për Covid-19 deri të martën, kur gjendja e tij u përkeqësua dhe ai u transferua në një spital të madh në kryeqytet, ku dhe vdiq brenda disa orësh.
Tani autoritetet shëndetësore franceze po përpiqen të zbulojnë se si e mori këtë virus dhe me kë kishte kontakte për të marrë masa drastike për të ndaluar përhapjen e patogjenit.
Besohet se ai nuk kishte kontakte me studentë, sepse u sëmur kur ishte periudha e pushimeve të dimrit. I njëjti problem i injorancës për origjinën e infeksionit po ndodh dhe me një burrë tjetër, 55 vjeç, gjithashtu nga Oise, i cili është shtruar në spital në Amiens në gjendje të rëndë. Nuk dihet nëse të dy pacientët ishin në kontakt me njëri-tjetrin.
Në qytetin e Beauvais, në Oise, është një aeroport ndërkombëtar që përdoret kryesisht nga kompani me kosto të ulët. Prandaj, është një vend kalim me njerëz me origjina shumë të larmishme.
Edhe pse tashmë janë indetifikuar 18 raste të Covid-19, me dy vdekje dhe 12 shërime, Ministri i Shëndetësisë, Olivier Véran, insistoi mbrëmë gjatë një konference për mediat se “nuk ka një epidemi në Francë“, por vetëm raste të izoluara. Megjithatë, Qeveria po përpiqet të përgatisë terrenin për masa më drastike nëse situata bëhet e ndërlikuar. Burimi:Lavanguardia Përshtati:Fjala.al
