Barcelona ka vendosur ta blindojë talentin e saj të ri Gavi, i cili, bashkë me pothuajse bashkëmoshatarin e tij Pedri, pritet të bëhet një nga shtyllat e mesfushës blaugrana për shumë vite.
Në orët e kaluara futbollisti ka marrë pjesë në një ceremoni publike për të festuar rinovimin e kontratës deri në vitin 2026, me një klauzolë prej 1 miliard euro për prishjen e parakohshme të saj.
Megjithatë, në qendër të vëmendjes nuk ka përfunduar rinovimi i kontratës, por një episod me të vërtetë kurioz që ka ndodhur në orët e kaluara në Camp Nou, që ka qenë i hapur për publikun për rastin.
Në fakt, Gavi ka zhvilluar një sesion autografesh dhe fotografish në dyqanin e Barcelona-s dhe pikërisht në momentin e hedhjes së firmës në një fanellë të një vajze të re, ka ndodhur diçka e papritur.
Vajza është kapur nga telekamerat duke i dhënë një letër pikërisht mesfushorit.
Çfarë do të jetë shkruar? Në internet, imazhet janë bërë virale dhe shumë mendojnë se në atë copë letër ka qenë numri i telefonit ose emri i profilit të saj në Instagram.
Kushedi nëse futbollisti do të japë shpjegime për atë që ka ndodhur. Ndërkohë, ka qenë një mënyrë sigurisht e bukur për të festuar rinovimin e kontratës…
https://twitter.com/Cherry_EX0/status/1570464054107406338?s=20&t=JYaUfJlu6qGu_WqXI9TnTQ
