​NASA do të përplasë anijen kozmike te asteroidi Dimorphos në 26 shtator

Bëhet fjalë për misionin e parë në shkallë të plotë në botë për të testuar teknologjinë për mbrojtjen e Tokës nga përplasjet e mundshme të asteroideve.

Misioni DART ose Testi i Ridrejtimit të Dyfishtë të Asteroidit, do të ndihmojë në përcaktimin nëse përplasja e qëllimshme e një anijeje kozmike në një asteroid është një mënyrë efektive për të ndryshuar kursin e saj.

Duke studiuar rrugën e asteroidit pas përplasjes, shkencëtarët besojnë se do të kuptojnë më mirë se si përplasjet mund të përdoren për të devijuar asteroidet dhe kometat e lidhura me Tokën.

Qëllimi i misionit DART, i cili u nis në nëntor 2021, është të godasë Dimorphos, një asteroid 160 metra i gjatë, i cili rrotullohet në orbitën e tij mëmë Didymos.

Objektet pranë Tokës janë asteroide dhe kometa me orbita që i vendosin ato brenda 50 milionë kilometrave nga Toka. NASA thotë se zbulimi i kërcënimit që mund të shkaktojnë dëme të rënda është fokusi kryesor.

Asteroidi më i madh Didymos është rreth 780 metra në diametër. Emri i tij është fjala greke për “binjak”, një shenjë se si asteroidi formon një sistem binar me asteroidin më të vogël.

DART do të udhëtojë me afërsisht 6 kilometra në sekondë kur të godasë Dimorphos të hënën, më 26 shtator, rreth orës 19:14 me orën amerikane.

Ka qenë një udhëtim 10-mujor për anijen kozmike, e cila, duke mos matur dy krahët e panelit diellor, ka madhësinë e një makine të vogël.

Në ditën e goditjes, imazhet do të kthehen në Tokë përmes LICIACube, një satelit i vogël i ofruar nga Agjencia Italiane e Hapësirës.

Sateliti i madhësisë së çantës tani po udhëton pas anijes për të regjistruar përplasjen.

Në momentin e goditjes, Didymos dhe Dimorphos do të ndodhen 11 milionë kilometra larg Tokës.

Të dhënat e mbledhura do të kontribuojnë në strategjitë e mbrojtjes planetare, për të kuptuar se çfarë lloj force mund të zhvendosë orbitën e një objekti afër Tokës që mund të përplaset me planetin tonë nëse zbulohet ndonjëherë.