Vendimi i Vladimir Putin, për të dërguar rezervistë në Ukrainë, ka nxitur protesta e kundërshtime jo vetëm në Rusi, por në të gjithë botën.
Edhe në Strasbourg, aktualisht po mbahet një miting në sheshin KLEBER, dhe është organizuar nga rusët që banojnë aty.
Ata kanë shprehur kështu kundërshtimin e tyre ndaj Putinit dhe politikave te tij për luftën në Ukrainë. Organizatoria e protestës është Liza Grosheva, që shihet edhe në pamjet ekskluzive nga kjo protestë, të cilat i ka siguruar gazetarja e Fjala.al, Monda Mehmetaj, direkt nga Strasbourg-u.
Kujtojmë që, të mërkurën, presidenti rus Vladimir Putin mbajti një fjalim të jashtëzakonshëm dhe njoftoi një “mobilizim të pjesshëm” të menjëhershëm.
Kjo çoi në një eksod masiv të burrave rusë të moshës ushtarake që iknin nga vendi për të shmangur rekrutimin. Biletat e fluturimit u rritën dhe biletat për në vendet që nuk kërkojnë vizë, si Turqia dhe Azerbajxhani u shitën menjëherë. Ikja masive ka zemëruar njerëzit në Kremlin, prandaj urdhri i ri ka mundësi të mbyllë të gjithë kufijtë e vendit.
