Vajza e ish-presidentit Bujar Nishani, Fiona, ka kujtuar babanë e saj të ndjerë pikërisht në ditën e tij të lindjes.
Në një postim në rrjetet sociale, Fiona shkruan se e ka marrë malli shumë për të atin. Ajo ka ndarë me ndjekësit një fotografi me ish-presidentin ku krahas saj shkruan se “nuk e uron dot”.
“Shkoi ora 12:00 dhe unë s’të uroj dot. Më mungon shumë babi”, shkruan ajo.
Këtë vit, Nishani do të kishte 56-vjetorin e lindjes, por ish kreu i shtetit shqiptar u nda nga jeta pak muaj më parë, në maj 2022, pas përkeqësimit të gjendjes së tij shëndetësore në një spital në Gjermani ku ishte shtruar.
Ish presidenti ishte dërguar për kurim në Gjermani, pasi vuante nga pneumonia bilaterale me insuficience respiratore, si pasojë e komplikacioneve të shkaktuara nga Covid-19.
