Katër kate pa leje të një pallati në zonën e ‘Myslym Shyrit’ në Tiranë janë sekuestuar sot, në kuadër të aksionit që qeveria ka ndërmarrë pas ligjit për sekuestrimin e objekteve pa leje.
Ajo që bie në sy është se këtë herë pallati është i përfunduar, ndoshta edhe me hyrje të shitura. Në total, sipërfaqja e sekuestruar shkon në 2700 metra katrorë.
I pranishëm në këtë aksion ka qenë vetë ministri Bledi Çuçi, i cili u shpreh se të tjerë pallate po verifikohen. Sipas Çuçit pallati i sekuestruar sot ka kate pa leje dhe ka një ndryshim në projekt, pas verifikimit do konfiskohet.
Ndërsa kryeministri Edi Rama shkruan në rrjetet sociale “VIJON OPERACIONI I LIGJZBATIMIT mbi çdo metër shtesë të ndërtuar pa leje për qëllim fitimi
*Atyre që thonë pse u kujtuat tani, u them jemi kujtuar që ditën e parë të punës, prandaj edhe kemi 10 herë më pak metra katrorë në shkelje të lejeve të ndërtimit, se sa kur e nisëm punën”.
