Sot do të luhet supersfida e javës së gjashtë të “Abissnet Superiore”, ku Partizani dhe Tirana do të përballen në derbin e kryeqytetit. Dy skuadrat do të zbresin në fushë në orën 19:00, në stadiumin “Air Albania.
Megjithatë, atmosfera e sfidës ka nisur edhe më herët të elektrizohet nga tifozeritë e dy skuadrave. Në videon e mëposhtme shihet grupi i tifozëve bardheblu “Tirona Fanatics”, të cilët po i drejtohen stadiumit në pritje të sfidës.
Për sa i përket takimit, Partizani vjen me entuziazmin e vendit të parë duke marrë parasysh edhe startin e mirë të këtij sezoni. “Demat” kërkojnë të thyejnë tabunë e derbit në “Air Albania” ku ende nuk kanë fituar.
Nga ana tjetër, pikërisht nga kjo tabu e Partizanit, niset Tirana që e ka në avantazhin e vet pasi nuk është mposhtur në asnjë derby në “Air Albania”.
