Deputetja demokrate, Ina Zhupa ka ngritur tonet sot në Kuvend, teksa i është drejtuar ministres Mirela Kumbaro se duhet të mbajë përgjegjësi direkte për keqmenaxhimin e plazheve.
Zhupa solli në vëmendjen ngjarjen e rëndë në Potam të Himarës, ku u vra 7-vjeçarja nga një skaf i drejtuar nga polici Arjan Tase, tha se në një shtet tjetër ministrja do të kishe dhënë dorëheqjen.
Ndërsa nuk e ka kursyer as ironinë ku u shpreh se Kumbaro ka zgjedhur të vijë e pamaskuar siç bënte inspektimet në plazhe.
“Kumbaro sot ka zgjedhur të vijë e maskuar siç bënte inspektimet në plazhe dhe mund ta dallojmë e të kemi komunikim të qartë me të. Vendi ynë është i bekuar nga natyra, por i mallkuar nga qeveria. të gjithë e mbani mend vrasjen në Himarë, në Potam, a kishte përgjegjësi Mirela Kumbaro. Në një shtet tjetër Mirela do të kishte dhënë dorëheqjen. Ministrja në funksionet e saj është përgjegjëse për dhënien e licencave, për distancën e stacioneve nga plazhistët, për rrethimin e perimetrave përkatëse. Nëse këto do të ishin kryer, a mendoni se do të kishim atë tragjedi”, tha ajo.
