Faza e grupeve të Europa League është mbyllur mbrëmjen e djeshme, ku janë përcaktuar 16 skuadrat që do të vijojnë më tej garën.
16 ekipeve të kualifikuara, u shtohen edhe tetë të tjera që u renditën të tretat në grupet e Champions League, ndërsa shorti për fazën tjetër do të hidhet të hënën në orën 13:00.
Fillimisht do të luhet faza play-off ku takohen tetë ekipet që vijnë nga Champions League dhe vendet e dyta nga faza e grupeve të Europa League.
Vendet e para kalojnë në direkt këtë xhiro dhe pushojnë për tu takuar me fituesit e ndeshjeve play-off në 1/16 e kësaj gare.
Arsenal, Fenerbahce, Real Betis, Royal Union, Real Sociedad, Midtjylland, Freiburg dhe Ferencvaros kalojnë tutje nga vendet e para.
Nga vendet e dyta janë kualifikuar skuadra si PSV, Rennes, Roma, Union Berlin, Man Utd, Sturm Graz, Nantes dhe Monaco.
Këto skuadra do të përballen me ato që vijnë si vendet e treta nga Liga e Kampionëve si: Ajax, Bayern Leverkusen, Barcelona, Sporting, RB Salzburg, Shakhtar, Sevilla dhe Juventus.
Shorti mund të na hap përballje të bukura që në fazën e play-offit të kësaj gare.
