Pas më shumë se tre muajsh pa një fitues në lojën kryesore të lotarisë në SHBA, shorti i kësaj fundjave regjistrohet si shuma më e madhe që bota ka parë ndonjëherë.
Një person ka patur fatin të fitonte shumën më të madhe të fituar ndonjëherë në histori nga një lotari, jo vetëm në ShBA por në të gjithë botën, plot 2 miliardë dollarë.
Pas 40 javë rresht që lotaria e njohur Superball nuk jepte asnjë fitues, anonimi fatlum pa numrat e zgjedhur prej tij, 10, 33, 41, 47, 56 dhe sërish 10. Mundësitë statistikore ishin një në 292 milionë, dhe anonimi i ka kapur me një biletë të thjeshtë me vlerë 2 dollarë.
Tani fituesi rekordmen do të vihet përballë një zgjedhje që secili prej nesh do të donte. Ai mund të zgjedhë të paguhet në 29 këste vjetore, praktikisht një “rrogë” rreth 69 milionë dollarë në vit, ose mund të zgjedhë të marrë direkt shumën e reduktuar, por gjithsesi shkon pothuajse në 998 milionë dollarë.
