Ditën e sotme kryeministrit të Kosovës, Albin Kurti, i është vendosur një arkivol para zyrës së Qeverisë. Pas marrjes së postit të ri si kryeministër, Albin Kurti u kritikua nga opozita për punën e tij, kryesisht tek mosmbajtja e premtimit për taksën ndaj Serbisë. Për këtë arsye, akvistët e AKK-së së Ramush Haradinajt, i kanë vendosur para zyrës së tij një arkivol që simbolizon “varrosjen e premtimeve” të tij.
Ndërkohë, vijon seanca në Kuvendin e Kosovës e thirrur nga AAK-ja ku po diskutohet për taksën 100% të vendosur ndaj mallrave serbe, kui pranishëm është edhe Albin Kurti.
Vetëm pak momente pas këtij gjesti që u bë, deputetja Teuta Haxhiu ka deklaruar se janë arrestuar aktivistët e rinj të kësaj agjensie për veprimin e pahijshëm që bënë.
“Shpreh keqardhje për arrestimin e të rinjve të AAK-së, vetëm pse po kryenin një aktivitet para Kuvendit.”– është shprehur Haxhiu në seancën e jashtëzakonshme të Kuvendit. Nga mediat kosovare mësohet se vendosja e arkivolit para godinës së Kuvendit të Kosovës është bërë nga aktivistët e AAK-së së Ramush Haradinajt, ish-kryeministër i Kosovës.
