Ministri i Brendshëm i Turqisë, Suleyman Soylu, ka përfshirë Greqinë dhe SHBA pas shpërthimit të ndodhur në Stamboll ditën e djeshme ku humbën jetën 6 persona.
Sipas Protothemës, në një deklaratë të bërë mëngjesin e sotëm, pas arrestimi të autores dhe bashkëpunëtorëve tëë ngjarjes, ministri u shpreh se nëse nuk do ishin arrestuar ata do të kishin ikur në Greqi “sot”.
Këtyre akuzave, iu është përgjigjur ‘flakë për flakë’ Greqia.
Sipas Protothemës, zëdhënësi i qeverisë greke Giannis Oikonomou deklaroi se qeveria është kundër çdo akti terrorist dhe dënoi sulmin.
“Qeveria është e vendosur kundër çdo akti terrorizmi, aktet si ato në Stamboll janë absolutisht të dënueshme”, tha ai në dhe sqaroi se “ vendi ka një front të hapur me çdo manifestim terrorizmi kudo në botë”.
Oikonomou shprehu gjithashtu ngushëllimet e tij për popullin turk dhe qeverinë turke për shpërthimin me gjashtë të vdekur dhe 81 të plagosur, nga të cilët 26 mbeten të shtruar në spital.
Në të njëjtën gjatësi vale ka lëvizur edhe ministri i Mbrojtjes së Qytetarit, Takis Theodorikakos duke sqaruar përmes SKAI-t se “Greqia mbron mirë kufijtë e saj dhe nuk do të pranonte kurrë terroristë në territorin e saj”.
