Politikani britanik, Nigel Farage duket se është shqetësuar nga festimet e shqiptarëve në Londër për Pavarësinë.
Ai ka publikuar një video në twitter, ku shqiptarët shihen në makina me flamurin e Shqipërisë, apo disa vajza duke vallëzuar me rroba popullore, teksa politikani shkruan “Zot na ndihmo”.
“Kjo ishte mbrëmë në Londër. Zoti na ndihmoftë” shkruan ai në postimin e tij. Politikani videon e ka ripostuar nga gazetari britanik, Calvin Robinson.
E ky postim me nota ironie dhe racizmi nuk mund t’i shpëtonte shkrimtares shqiptaro-britanike Lea Ypi, e cila ka ripostuar shkrimin e Farage dhe me batutë shkruan “Zoti është në Katar duke u përpjekur të ndihmojë Uellsin”.
Kujtojmë që Nigel Farage është ndër politikanët britanikë që ka sulmuar shqiptarët vazhdimisht, sidomos për emigracionin. Madje ai është një nga politikanët që nxiti “Brexit”, pasi lider i Partisë Brexit nga 2019 në 2021.
