Çelo Hoxha është personi që do të zëvendësojë Agron Tufën në krye të Institutit të Studimit të Krimeve kundër Komunizmit.
Pas largimit të shkrimtarit të njohur, për shkak të kërcënimeve me jetë, të atij dhe të familjes së tij, është vendosur një tjetër emër që vjen nga një e shkuar e izoluar nga lufta e klasave.
Ende nuk ka një dalje publike të kryetarit të ri dhe as të autoriteteve që e kanë zgjedhur Hoxhën të drejtojë sektorin që në fakt mund dhe duhej të hetonte krimet më çnjerëzore të kryera në 45 vite në vendin tonë.
Agron Tufa u largua nga vendi jonë bashkë me gruan dhe pesë fëmijët e tij drejt Zvicrës ku edhe kërkoi strehim politik.
Shkak ishin kërcënimet e ardhura nga një mori pafund adresash. Këto kërcënime iu bënë edhe publikisht nga emra të njohur të politikës, por askush nuk nisi hetime për to.
Tufa u largua në fillimin e këtij muaji dhe avokati i tij dha lajmin nëpërmjet një postimi në FB. Ai konkretisht tha se:
“Kërcënimet dhe zvarritja pafund e gjyqit, mosfillimi i procesit ndaj Cajës, kërcënimet në rrugë dhe format e fshehta të shantazhit, e kanë shtyrë Drejtorin e Institutit për Studimin e Krimeve të Komunizmit Z. Agron Tufa, të kërkojë strehim politik për të mbrojtur familjen dhe jetën e tij!
Në një vend ku krimi komunistë i djeshëm është më i egër se kurrë, kërkimi dhe vendosja e drejtësisë është e pamundur”.
tha se Tufa i kishte paraqitur dorëheqjen, nëpërmjet një letre, dërguar kryetarit të Bordit Drejtues te ISKPK, Uran Butka. /Fjala.al/
