Kryebashkiaku i Stambollit u dënua me burg, DASH del me reagimin e fortë ndaj Turqisë

113 563 lexime

124,178FansaPëlqeje

Departamenti i Shtetit tha sot është “thellësisht i shqetësuar dhe i zhgënjyer” me një vendim të marrë një ditë më parë nga një gjykatë turke, e cila dënoi me dy vjet e shtatë muaj burg kryetarin e bashkisë së Stambollit Ekrem Imamoglu. Po kështu gjykata i ndaloi zotit Imamoglu, një përfaqësues i opozitës, zhvillimin e aktiviteve politike.

Zëdhënësi Departamenti amerikan i Shtetit Ned Price tha se “Uashingtoni është thellësisht i shqetësuar nga frikësimi i vazhdueshëm me procese gjyqësore që i bëhet përfaqësuesve të shoqërisë civile, medias, udhëheqësve politikë e biznesit në Turqi, përfshirë mbajtjen për një kohë të gjatë në paraburgim, ngritjen e pretendimeve të gjera për mbështetje të terrorizmit apo ndjekjen penale të rasteve për fyerje”.

Kryebashkiaku i Stambollit, Ekrem Imamoglu, shihet si rivali kryesor i presidentit Tajip Erdogan. Dënimi i tij vjen vetëm gjashtë muaj përpara zgjedhjeve të planifikuara presidenciale dhe parlamentare. Megjithatë opozita turke nuk e ka përcaktuar ende zyrtarisht kandidatin e saj për president.

Vendimi i së mërkurës pritet të dërgohet në gjykatën e Apelit. Zoti Imamoglu, që përfaqëson Partinë Popullore Republikane (CHP), u gjykua për një fjalim të mbajtur pas zgjedhjeve lokale të vitit 2019 në Stamboll, gjatë të cilit ishte shprehur se ata që anuluan rezultatin e zgjedhjeve ishin “budallenj”. Dënimi maksimal për akuza të tilla arrin deri në katër vjen burg.

Fillimisht zoti Imamoglu, i fitoi me rezultat të ngushtë zgjedhjet për kreun e bashkisë së Stambollit, zgjedhje që u mbajtën në mars të vitit 2019. Ai mposhti kandidatin e Partisë AK në pushtet, të zotit Erdogan. Pas anulimin të rezultateve, që çuan në përsëritjen e procesit zgjedhor, ai fitoi me rezultat më bindës. Fitorja e tij i dha fund kontrollit 25-vjeçar të qytetit më të madh të Turqisë nga partia e zotit Erdogan dhe paraardhësit e saj islamikë.

Lexo edhe :  Maxwell nuk hesht më! Nis zbardhja e dosjes “Epstein” që mund të rrëzojë figura të mëdha

Rezultati i zgjedhjeve të vitit 2023 do të varet nga aftësia e partisë opozitare CHP si dhe të tjerave forcave politike në opozitë, për t’u bashkuar rreth një kandidati të vetëm, me synimin për të sfiduar presidentin Erdogan dhe AKP-në, e cila qeveris Turqinë prej dy dekadash. Tashmë çështja Imamoglu pritet t’i kalojë apelit, duke u zgjatur potencialisht përtej zgjedhjeve që mbahen në qershor të vitit 2023. Kritikët thonë se gjykatat turke i nënshtrohen vullnetit të zotit Erdogan megjithëse qeveria pretendon se gjyqësori është i pavarur.

Të fundit

Skenar filmi në Pogradec, e vrau më pas e dogji në banesë/ Kapet autori

Një 56 vjeçare u gjet e pajetë në banesën e saj në Pogradec. Sipas hetimeve policore, gruaja fillimisht u...

“The Traitors Prom” – spektakli ikonik, tani me një melodramë të ndezur në maksimum

Royal Albert Hall, Londër. Claudia Winkleman në rolin e prezantueses, ndërsa Orkestra Simfonike e BBC-së nga Skocia interpretonte mjeshtërisht versione të orkestruara të këngëve...

“Karrota nga një anë, shkopi nga ana tjetër”, Rama: Masa represive për ndërtuesit

Kryeministri Edi Rama ka paralajmëruar masa ‘represive’ ndaj ndërtuesve që nuk zbatojnë besnikërisht projektet dhe lejet e ndërtimit. Rama theksoi se ndihma dhe mundësitë...

Google dështoi të paralajmërojë 10 milionë njerëz për tërmetin në Turqi

Google ka pranuar se sistemi i tij i paralajmërimit të hershëm për tërmetet dështoi të njoftonte me saktësi njerëzit gjatë tërmetit vdekjeprurës në Turqi...

Ngjarje e rëndë/ Tronditet futbollisti i njohur, djali i tij 1-vjeç humb jetën

Mesfushori i Barit, Mathias Verreth ka humbur djalin e tij 14-muajsh pasi ndërroi jetë. Lajmi tronditi të gjithë komunitetin me klubin që njoftoi, në...

Lajme të tjera

Web TV