Policia e Ferizajt ka arrestuar një 33 vjeçar, i cili dyshohet se ka plagosur me armë zjarri dy të rinj serbë në Kosovë, ku njëri prej tyre raportohet se është i mitur.
“I dyshuari është duke u shoqëruar në Policinë Rajonale të Ferizajt, përkatësisht Sektorin Rajonal të Hetimeve, për veprime tjera hetimore”, thuhet në njoftim.
Ndërkohë bëhet me dije se të plagosurit janë dërguar menjëherë për ndihmë mjekësore dhe se sipas informacioneve të autoriteteve në Kosovë, janë jashtë rrezikut për jetën.
