Suksesi në La Liga dhe në Champions League e ka bërë Carlo Ancelotti-n akoma më shumë pjesë të historisë. Trajneri italian, në fakt, ka fituar Champions League e gjashtë, të katërtën si trajner.
Një sukses i jashtëzakonshëm, për teknikun italian, që e ka kthyer real Madrid në majë të Europës, në një ecuri që ka parë spanjollët të realizojnë përmbysje të çmendura ndaj Paris Saint-Germain dhe Manchester City.
Një sukses i dyfishtë që e ka lejuar Ancelotti-n edhe të zgjidhet si trajneri më i I mirë i vitit 2022 nga Iffhs. Për Don Carlon është çmimi i tretë i marrë nga Iffhs pas atyre të 2007-ës kur ishte në drejtim të Milan-it dhe atë të 2014-ës, në eksperiencën e tij të parë te Real Madrid.
Ancelotti ka rezultuar fitues me 245 pikë. Një distancë shumë e madhe në krahasim me trajnerët e tjerë që janë ngjitur në podium: Guardiola, i dyti pas Premier League të fituar me Manchester City-n me 45 pikë dhe Regragui, i treti me 40 pikë, fitues I Champions-it afrikan me Wydad Casablanca.
Në klasifikimin e 10 trajnerëve më të mirë të 2022-shit, Ancelotti është italiani unik i pranishëm në renditje. Ndërsa trajneri i vetëm i Serisë A është Jose Mourinho. Trajneri i Roma-s, fitues i Conference League, është i pesti me 15 pikë mbrapa krahëve të Klopp dhe baraz me Glasner, që ka triumfuar në Europa League me Eintracht Frankfurt.
Klasifikimi kompletohet me Unai Emery dhe Dorival Junior, me nga 10 pikë secili dhe, me nga 5 pikë, Hugo Ibarra i Boca Juniors dhe portugezi Abel Ferreira, trajner i Palmeiras-it
