Trajneri i Napolit, Lucciano Spalletti ka vlerësuar në maksimum Juventusin si një nga skuadrat pretendente për titullin kampion. Para takimit direkt në kampionat, Spalletti ka thënë se bardhezinjtë vështirë se do mund të kënaqen me vendin e katërt.
“E kuptoj që Allegrit i intereson që të mos jetë në rolin e protagonistit, por për një Juventus të mbushur me kampionë është e pamundur të fshihesh nga roli i favoritit. Disa investime paguhen vetëm për të fituar titullin kampion dhe Champions League. Është e kotë të vësh kapele apo mjekër false, nuk ka vend të katërt që mund të kënaqë Juventusin”.
“Kur luan për objektiva kaq të mëdha më duket e vështirë që të luash me frikë. Frikë nuk do të ketë asnjë skuadër, ka lojtarë të fortë si në personalitet edhe në teknikë. Të dyja skuadrat do të luajnë për fitore dhe do të jetë një spektakël i madh” – Tha ai.
