Pesë administratorë të pesë guroreve të ndryshme në Krujë janë vënë nën hetim nga ana e policisë. Pas kontrolleve të ushtruara në territor, rezulton se pesë guroret nuk dispononin dokumentet përkatëse për aktivitetin e tyre.
Ndaj tyre rëndojnë akuzat penale “Shpërdorimi i tokës”, “Ndotja e ajrit, ujërave dhe e tokës”, “Prerja e paligjshme e pyjeve“ dhe “Transportimi i mbetjeve toksike”, shtetasit: D. P., V. K., E. Q., H. K. dhe F. B.
Kjo është faza e dytë e këtij operacioni të policisë ndërsa më herët, u arrestua në flagrancë 52 vjeçari Besnik Babasi, pronar i gurores në Krastë të Krujës ndërsa është shpallur në kërkim 55 vjeçari Ibrahim Lami, pronari i një tjetër guroreje në të njëjtën zonë të Krujës.
