Ndahet nga jeta në moshën 83-vjeçare Amancio Amaro, legjenda e Real Madridit dhe president nderi i “Los Blancos”.
Amancio Amaro Valera lindi më 16 tetor 1939 në La Coruña (Galicia). Ai ishte lojtar dhe trajner i Realit të Madridit, një ekip me të cilin nënshkroi në vitin 1962. Më herët ishte pjesë e Deportivo La Coruña, ku edhe tërhoqi vëmendjen e madrilenëve.
Amancio luajti për Real Madridin midis viteve 1962 dhe 1976, duke fituar një Champions, 9 Liga dhe 3 Kupa të Spanjës.
Në 14 sezone luajti 471 ndeshje dhe shënoi 155 gola, duke qenë “Pipichichi” i elitës së futbollit spanjoll në vitet ’69 dhe ‘70.
Në vitin 1964 Amancio ishte i treti në votim për Topin e Artë dhe fitoi Kampionatin Evropian me Spanjën.
Amancio u tërhoq nga futbolli më 30 qershor 1976 si golashënuesi i katërt më i mirë i të gjitha kohërave për Real Madridin. Ai renditet pas legjendave të tjera si: Alfredo Di Stéfanos, Ferenc Puskás dhe Paco Gento.
Reagimi i Real Madrid:
“Reali i Madridit, presidenti i tij dhe Bordi i Drejtorëve shprehin keqardhje të thellë për vdekjen e Amancio Amaros. Ai ishte president nderi i Realit të Madridit dhe një nga legjendat e mëdha të klubit tonë dhe të futbollit botëror.
Reali i Madrid dëshiron të shprehë ngushëllimet dhe dashurinë për gruan e tij Consuelo, fëmijët e tij Óscar, Belén, Amancio, Patricia, Marcos dhe Claudia, vëllnë e tij Juan Carlos, nipërit e mbesat e tij dhe gjithë familjen, kolegët dhe të dashurit e tij….”
