Stuhia e madhe e borës po godet Kaliforninë Jugore dhe atë Veriore. Meteorologët shprehen se një stuhi e tillë bore nuk është parë në Kaliforni për një kohë të gjatë.
Dëbora e fundit në Kaliforni daton 47 vite më parë, saktësisht më 17 shkurt 1976. Gjendja aktuale ka përhapur panik te qytetarët duke dhënë një paralajmërim tjetër stuhie.
Rrugët kryesore në zonë, duke përfshirë pjesë të Ndërshtetërore 5, autostradën që lidh Meksikën, Kaliforninë dhe Kanadanë, janë mbyllur për shkak të akullit dhe borës, ndërkohë që autoritetet nuk kanë bërë parashikime se kur do të hapen sërish.
Bora dhe erërat e forta rrëzuan gjithashtu disa linja elektrike, duke lënë në errësirë më shumë se 100,000 shtëpi në Kaliforni. Të enjten, shkollat në veriperëndim të shtetit u mbyllën për shkak të motit të pazakontë.
Në pesë shtete, qindra mijëra shtëpi dhe biznese kanë mbetur pa energji elektrike. Më shumë se 700,000 njerëz në Michigan dhe 120,000 në Kaliforni ende nuk kanë energji elektrike që nga mëngjesi i së premtes.
