Një aksident ka ndodhur mesditën e sotme në Vlorë. Rreth orës 12.00, mjeti tip “Opel” me drejtues 70-vjeçarin me iniciale K. H., ka përfunduar në një humnerë.
Kjo pasi shoferi ka humbur drejtimin e mjetit.
Si pasojë e aksidentit ka ngelur i dëmtuar drejtuesi i automjetit dhe pasagjerja, shtetasja E. H., rreth 65 vjeçe, të cilët u transportuan në spital, por ende nuk dihen detaje lidhur me gjendjen e tyre shëndetësore.
Vlorë/Informacion paraprak
Sot, rreth orës 12:00, në aksin rrugor Vlorë-Kuç, shtetasi K. H., rreth 70 vjeç, duke drejtuar automjetin tip “Opel”, ka humbur kontrollin mbi drejtimin e mjetit dhe mjeti ka dalë nga rruga, duke rënë në një humnerë. Si pasoje e aksidentit ka ngelur i dëmtuar drejtuesi i automjetit dhe pasagjerja, shtetasja E. H., rreth 65 vjeçe, të cilët u transportuan në spital, për ndihmë mjekësore. Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.
