Mali i Zi është i vetmi vend në Evropë që nuk është prekur akoma nga koronavirusi. Gjithsesi qeveria e Malit të Zi ka marrë vendimin për të ndaluar të gjitha tubimet publike dhe private, ka pezulluar mësimet për të paktën 15 ditë dhe ka ndaluar anijet e lundrimit dhe jahteve të hyjnë në portet malazeze.
Ditën e sotme Kosova shënoi dy rastet e para me koronavirus, ku një grua 20-vjeçare me shtetësi italiane dhe një shtetas shqiptar i Kosovës i moshës 77-vjeç, ishin rastet e para të konfirmuara në vendin tonë.
“Gjendja e tyre është e qëndrueshme”, tha Ministri i Shëndetësisë, Arben Vitia. Ndërkaq, siç është raportuar, çdo mosrespektim i këtyre dispozitave është subjekt i përgjegjësisë penale.
“Mali i Zi nuk ka identifikuar asnjë rast të vetëm deri më tani”, tha zëvendëskryeministri malazez Milutin Simoviç, duke shtuar se qeveria po ndiqte rekomandimet e Organizatës Botërore të Shëndetit në lidhje me masat e kontrollit.
Sipas tij, Mali i Zi nuk duhet të bëjë një gabim si vendet evropiane. “Ne të gjithë jemi në të njëjtin mision – duke mbrojtur shëndetin e të gjithë qytetarëve”, tha Simoviç.
