Egnatia ia ka dalë të shkojë në finalen e Kupës së Shqipërisë. Skuadra nga Rrogozhina mundi minimalisht sot 1-0 Vllazninë në shtëpi, ndërsa akti i parë kishte përfunduar 1-1.
Kjo arritje do të hyjë në histori, pasi është hera e parë që ky klub arrin në këtë fazë. Momenti vendimtar i takimit do ishte ai i minutës së 90-të, kur një goditje nga distanca e Jackson përfundon në rrjetë.
Mbyllet përpara kohe kështu aventura e Vllaznisë në Kupë, objektiv ky i shkodranëve që prej fillimit të sezonit. Në krahun tjetër, të besuarit e Edlir Tetovës do provojnë që t’i shkojnë deri në fund rrugëtimit, duke tentuar të bëjnë mrekullinë: Të fitojnë kompeticionin.
