VOA: Britania pritet të përcaktojë grupin rus Wagner si organizatë terroriste

113 563 lexime

124,178FansaPëlqeje

Britania po përgatitet të përcaktojë grupin Wagner, një ushtri private ruse që është thellësisht e përfshirë në pushtimin e Ukrainës – si një organizatë terroriste.

Bashkimi Evropian dhe Shtetet e Bashkuara po debatojnë për një masë të ngjashme. Kjo do ta vendoste grupin Wagner në të njëjtën kategori si Shteti Islamik dhe Al-Kaida. Korrespondenti i Zërit të Amerikës Henry Ridgwell njofton nga Londra.

Grupi Wagner në Rusi – një ushtri private – është duke drejtuar pjesën më të madhe të luftimeve për qytetin ukrainas Bakhmut. Shumë prej mercenarëve të saj janë rekrutuar nga burgjet ruse.

Grupi Wagner është fajësuar për mizoritë e shumta në Ukrainë: torturimin dhe vrasjen e robërve të luftës, si dhe të civilëve, përfshirë fëmijë – akuza që grupi i mohon.

Anëtarët e tij – përfshirë drejtuesin Yevgeny Prigozhin – janë tashmë subjekt i sanksioneve amerikane, të Bashkimit Evropian dhe Britanisë.

Wagner-i është i lidhur ngushtë me shtetin rus. Grupi hapi këtë qendër të teknologjisë ushtarake në Shën Petersburg vitin e kaluar. Sipas gazetës ‘Times’ të Londrës, Britania ka ngritur një çështje ligjore për ta cilësuar grupin Wagner, një organizatë terroriste.

Anëtarësimi ose promovimi i grupit Wagner, apo edhe shfaqja e logos së tij, do të përbënte një vepër penale.

“Kjo mund të pengojë kompanitë të bëjnë biznes me Wagner-in. Por nuk është e sigurtë se çfarë efekti do të ketë, sepse grupi i merr burimet financiare, jo aq shumë nga Europa, por nga aktivitetet ilegale që kryen në Afrikë. Pra, cilat mund të ishin përfitimet? Ndoshta është më tepër një akt simbolik”, thotë Tanya Mehra me Qendrën Ndërkombëtare Kundër Terrorizmit.

Mercenarët e Wagner-it kanë vepruar në Siri dhe disa vende afrikane, duke përfshirë Libinë, Republikën Qendrore të Afrikës, Malin dhe Sudanin – duke u ofruar zakonisht shërbime sigurie qeverive në këmbim të qasjes tek pasuritë minerale dhe mbështetjes për synimet gjeopolitike të Rusisë. Luftëtarët e Wagner-it akuzohen për abuzime të shumta të të drejtave të njeriut.

Lexo edhe :  A do dëbohet Elon Musk? Ja si përgjigjet Trump

Në mars të vitit 2022, rreth 300 civilë gjetën vdekjen në një sulm në qytetin Moura të Malit, që në atë kohë kontrollohej nga forcat xhihadiste. Duke folur në atë kohë, dëshmitarët akuzuan forcat vendase dhe luftëtarët rusë të grupit Wagner për ekzekutime në masë – gjë që Mali e mohoi.

“Ushtria e Malit kishte shumë ushtarë të bardhë; që ishin rusë. Ata nuk e kuptonin njëri-tjetrin. Morën 15 deri në 20 veta; i rreshtuan rreth 100 metra larg nesh, i gjunjëzuan dhe i qëlluan”, thotë Amadou shitës në qytetin Moura.

Parlamenti francez votoi të martën për përcaktimin e grupit Wagner si një entitet terrorist në një rezolutë jodetyruese, duke shtuar presionin ndaj Bashkimit Evropian për të ndërmarrë veprime.

Në Uashington, një grup ligjvënësish dypartiakë po bën presion që Shtetet e Bashkuara ta klasifikojnë grupin Wagner si një organizatë të huaj terroriste. Prokurori i Përgjithshëm amerikan tha në mars se nuk do ta kundërshtonte masën.

“Nëse ata do të përcaktoheshin si grup terrorist në Shtetet e Bashkuara, do të kishte pasoja më të mëdha – pasi kushdo që do t’i ofronte mbështetje materiale grupit Wagner mund të përballej gjithashtu me ndjekje penale. Pra, kjo do të thotë se shtetet, ose zyrtarë të caktuar qeveritarë nga shtetet afrikane, të cilët do të angazhoheshin me Wagner-in, mund të përballen me ndjekje penale“, thotë Tanya Mehra me Qendrën Ndërkombëtare Kundër Terrrozmit.

Raporti i gazetës ‘Times’ thotë se Britania mund ta klasifikojë Wagner-in si një grup terrorist brenda disa javësh. Qeveria britanike nuk pranoi të komentojë./VOA/

Të fundit

Shqipëria që nuk është më…

Rrallë gjen ndonjë vend në botë, që mund të ketë pësuar një transformim të tillë në më pak se...

Vapa ekstreme përfshin Europën Jugore, qindra viktima në Spanjë, Greqia në flakë

Italia vijon të përballet me një valë të paprecedentë të të nxehtit, me temperatura që arrijnë deri në 40-41°C në disa rajone dhe me...

Shpërthim i fuqishëm në një pikë karburanti, raportohet për 10 të plagosur (VIDEO)

Një shpërthim i fuqishëm ka ndodhur mëngjesin e kësaj të premte në një pikë karburanti në Romë të Italisë. Sipas raportimeve në mediat italiane, shpërthimi...

Feston 61-vjetorin, Rama pritet në PS me duartrokitje e lule

Shefi i qeverisë feston sot 61-vjetorin. Edhe pse ka ditëlindjen, kryesocialisti ka vijuar sot një tjetër mbledhje me deputetët e Tiranës dhe përfaqësues të...

“Shiti 5 mld euro naftë dhe nuk pagoi taksa”/ Bankers duhet të hetohet nga SPAK!

Gazetarja Klodiana Lala, dha detaje nga aksion i Prokurorisë së Fierit, e cila ka lëshuar 14 masa sigurie për drejtues dhe ish drejtues të...

Lajme të tjera

Web TV