Një peshkatar ka filmuar momentin e frikshëm, kur varka e tij u sulmua nga një peshkaqen.
Scott Haraguchi po lundronte me një anije kajaku dhe po peshkonte në det të hapur në Windward Oahu, Hawaii. Aksidentalisht ai kishte lënë të ndezur kamerën e tij GoPro. Ai nuk e dinte se kamera e tij do filmonte momentin kur peshkaqeni e sulmoi atë.
Në video shihet se peshkaqeni i madh i cili del nga uji, hidhet mbi anijen.
Haraguchi gjithashtu dëgjohet duke bërtitur për ndihmë, pasi përjetoi një gjendje paniku kur u përball me peshkaqenin. Fatmirësisht, ai arriti ta largonte peshkaqenin duke e goditur me këmbë në kokë.
Një peshkaqen tigër mund të arrijë mbi pesë metra në gjatësi. Incidenti vjen pasi një tjetër burrë thuhet se u sulmua dhe u vra nga një peshkaqen teksa lundronte e në brigjet e Australisë Jugore.
https://www.youtube.com/watch?v=4WB1g6GoynY
