Kryetari i grupit parlamentar të Partisë Demokratike, Gazment Bardhi, në një intervistë për “Now” me Erla Mëhillin, foli për propozimin e tij për një platformë për bashkimin e PD-së. Bardhi tha se është e rëndësishme të kuptohet se gjuha e urrejtjes dhe përçarjes, nuk mund të fuqizojnë partinë.
Ai deklaroi se pas rezultatit të 14 Majit, ka një diskutim të gjerë me shumë aktorë dhe faktorë brenda Partisë Demokratike. Po kështu zbuloi se janë konsultuar me anëtarë të caktuar të kryesisë, me anëtarë të partisë, me ish-funksionarë të PD-së ndër vite që janë tërësisht të tërhequr nga politika.
“Ky i sotmi është një reflektim pas rezultatit të zgjedhjeve të 14 Majit, një diskutim i gjerë, prandaj ka marrë kaq shumë kohë, me shumë aktorë dhe faktorë brenda Partisë Demokratike, dhe në konkluzion deputetët kanë dalë te ky qëndrim.
Jemi konsultuar me anëtarë të caktuar të kryesisë, me struktura partie, me anëtarë të partisë, me ish-funksionarë të Partisë Demokratike ndër vite që janë tërësisht të tërhequr nga politika. Pra nuk është një dokument i konsultuar apo dakordësuar mes pjesëve në Partinë Demokratike”, u shpreh Bardhi.
