Emigrantët e shpëtuar nga anija e mbytur në brigjet greke janë vendosur në një ndërtesë në Malaka. Mediat greke shkruajnë se 68 persona përfshirë disa të mitur do të transferohen në ambientet e të miturve.
Por gjithashtu të afërmit kanë vijuar të kërkojnë familjarët e tyre në portin e Kalamatës. Mes tyre një djalë i quajtur Fardi arriti të dallonte vëllain e tij dhe u përpoq ta përqafonte. Vëllai i tij Mohamed u shpëtua nga mbytja e anijes ku u raportuan të paktën 79 të vdekur.
Prekës ishte takimi mes tyre, ndërsa vëllezërit nuk i mbajtën dot lotët.
Fardi, një refugjat sirian erdhi nga Holanda për të kërkuar dhe gjetur vëllain e tij 18-vjeçar Mohamed, i cili ishte në bordin e varkës që u fundos.
Muhamedi ishte nisur nga Libia dhe destinacioni i tij përfundimtar ishte Italia. Ai kurrë nuk arriti atje, por fatmirësisht u shpëtua nga tragjedia.
