Protestuesit serbë kanë sulmuar me bojë makinën e Ministrit Elbert Krasniqi në Leposaviq.
Krasniqi kishte shkuar në Leposaviq për të takuar kryetarin e Komunës, Lulzim Hetemi. Në momentin që po largohej, makina e tij është gjuajtur me bojë dhe molotovë nga protestuesit serbë të maskuar.
Situata në veri të Kosovës vijon të jetë e tensionuar. Dy ditë më parë në afërsi të Leposaviqit, 3 pjesëtarë të Policisë së Kosovës u morën peng nga Forcat Speciale Serbe ‘Kobra’.
Ngjarja ndodhi kur tre policët ishin duke patrulluar në kufi, në vendin e quajtur Bare.
