Real Madrid ka konfirmuar zyrtarisht transferimin e talentit premtues turk, Arda Guler nga Fenerbahce.
Galaktikët fituan El Clasicon e parë të sezonit ndaj Barcelonës, duke fituar garën për Guler.
Los Blancos kanë konfirmuar zyrtarisht arritjen e marrëveshjes me Fenerbahcen dhe talenti 18-vjeçar do të prezantohet nesër si lojtar i ri i Real Madridit.
“Real Madrid CF dhe Fenerbahçe SK kanë rënë dakord për transferimin e lojtarit Arda Guler, i cili do të jetë i lidhur me klubin tonë për gjashtë sezonet e ardhshme”.
“Nesër, e premte, 7 korrik, në orën 12:00 në Real Madrid City do të zhvillohet ceremonia e prezantimit të Arda Guler si lojtar i ri i Real Madridit”.
“Më pas, Arda Guler do të dalë para mediave”, thuhet në njoftimin e Los Blancos.
Transferimi i Guler thuhet se ka kushtuar 20 milionë euro plus tetë milionë euro tjera bonuse dhe 20% e kartonit nga shitja e ardhshme.
🤍 #WelcomeArda 🤍 pic.twitter.com/Orqb5NVDqG
— Real Madrid C.F. (@realmadrid) July 6, 2023
