Situata në veri të Kosovës, Vuçiç diskuton me presidentin Macron

113 563 lexime

124,178FansaPëlqeje

Presidenti serb Aleksandar Vuçiq ka folur në telefon me Presidentin francez Emmanuel Macron, të shtunën, të cilit i ka kërkuar që “të bëjë përpjekje shtesë që pala prishtinase të vijë në vete dhe të kthehet në kornizën e bisedimeve konkrete”.

“Si gjithmonë një bisedë e hapur dhe serioze me presidentin Emmanuel Macron, të cilit i kam prezantuar pasojat e zhvillimit të rrezikshëm të situatës në Kosovë dhe Metohi”, ka shkruar Vuçiq në llogarinë e tij në Instagram.

Vuçiq ka theksuar se Serbia mbetet e përkushtuar ndaj dialogut dhe ruajtjes së paqes, edhe pse, siç tha ai, “komuniteti serb në Kosovë është i vetmi grup etnik në Evropë që është i ekspozuar ndaj dhunës së vazhdueshme”.

“I kërkova presidentit Macron që të bëjë një përpjekje shtesë në mënyrë që pala prishtinase të vijë në vete dhe të kthehet sa më shpejt në kuadrin e bisedimeve konkrete. ”, ka shkruar Vuçiq.

Ai shtoi se falënderoi Macronin për gatishmërinë e tij për të dëgjuar Beogradin, si dhe për vendosmërinë e tij për të bërë përpjekje shtesë për të “zgjidhur situatën jashtëzakonisht komplekse dhe mbi të gjitha të rrezikshme në Kosovë dhe Metohi”.

Vuçiq ka bërë të ditur në Instagram se më 8 korrik ka folur në telefon me shefin e diplomacisë italiane, Antonio Tajani.

Ai e vlerësoi bisedën “konstruktive”.

“Ai (Tajani) kërkoi që Serbia të bëjë gjithçka për të ruajtur stabilitetin në rajon dhe theksoi se Italia është gjithmonë e gatshme të mbështesë paqen”, ka shkruar Vuçiq në llogarinë e tij në Instagram.

Vuçiq tha gjithashtu se gjatë bisedës ka falënderuar për “interesimin dhe mirëkuptimin” që kanë Italia, kryeministri Giorgia Meloni dhe Tajani për qëndrimet e Serbisë.

Lexo edhe :  Testi i parë për qeverinë e Vuçiçit, votohet në dy komuna të vogla

Bashkimi Evropian (BE) dhe Shtetet e Bashkuara të Amerikës (SHBA) po bëjnë përpjekje shtesë për të rikthyer në tryezën e bisedimeve liderët e Serbisë dhe Kosovës, me qëllim të de-përshkallëzimit të situatës në veri të Kosovës.

Javën e kaluar, i dërguari special i Bashkimit Evropian (BE) për dialogun ndërmjet Serbisë dhe Kosovës, Miroslav Lajçak, ishte në Beograd dhe Prishtinë.

Ai ka biseduar me presidentin e Serbisë, Aleksandar Vuçiq dhe kryeministrin e Kosovës, Albin (Albin) Kurti.

Tensionet në veri të Kosovës, ku jetojnë shumica e serbëve, filluan kur kryetarët e rinj shqiptarë të komunave të Zveçanit, Zubin Potokut dhe Leposaviqit hynë në ndërtesat komunale me asistimin e policisë së Kosovës.

Serbët vendas e kundërshtuan këtë dhe që atëherë kanë mbajtur protesta, duke kërkuar tërheqjen e kryetarëve të rinj të komunave dhe njësive speciale të policisë së Kosovës./REL

Të fundit

Dublini i vetmi kryeqytet i madh europian pa metro

Në “Uliksi” të James Joyce, banori më i famshëm i Dublinit ishte po aq i irrituar nga transporti i...

Sulme të reja në Iran, goditet sërish centrali bërthamor i Natanzit

Centrali bërthamor i Natanzit në Iran, është sulmuar sërish mesditën e sotme nga ana izraelite. Sipas mediave ndërkombëtare, centrali u godit nga një sulm me...

Qeveria rrit me 570 milionë lekë buxhetin e SPAK

Qeveria ka rritur me 570 milionë lekë buxhetin e Prokurorisë e Posaçme Kundër Korrupsionit dhe Krimit të Organizuar. Sipas burimeve për A2 CNN, nga më...

Asgjësohen rreth 13 mijë fidanë kanabis në Shkodër, procedohet inxhinieri i pyjeve

Vijon operacioni i Policisë në kuadër të asgjësimit të parcelave me kanabis në qarkun e Shkodrës. Përmes një njoftimi zyrtar për mediat blutë informojnë se kanë...

Meta kërkon lirimin nga paraburgimi, dorëzon kërkesë në Gjykatën e Posaçme

Presidenti i Partisë së Lirisë, Ilir Meta, kërkon zëvendësim të masës së sigurisë “arrest në burg” caktuar nga Gjykata e Posaçme në tetor të...

Lajme të tjera

Web TV