Paris Saint-Germain është në merkato për një sulmues qendre i cili mund të shfrytëzojë hapësirat, por edhe asistet që vijnë nga Mbappe, Neymar apo edhe Asensio. I preferuari i kryeqytetasve është Dusan Vlahovic, lojtari i Juventus.
Megjithatë, tifozët e PSG nuk ndajnë të njëjtin mendim si drejtuesit e tyre dhe me anë të një banderole e kanë bërë të qartë se nuk e dëshirojnë serbin në Paris. “Këtu t’i presim tre gishtat”, shkruhej në banderolën e hapur nga tifozët parizienë drejtuar Vlahovic dhe festimit provokues dhe nacional të këtij të fundit sa herë i bashkohet kombëtares.
Për Vlahovic ka merkato edhe në Angli me Chelsean, por edhe Manchester United që monitorojnë situatën e sulmuesit teksa Juventus është gati ta shesë për një shifër mbi 80 milionë euro.
