Në botën e sotme, shikimi i CV-së së një kandidati dhe kryerja e një interviste standarde me ta nuk mjafton në kërkimin e punonjësit të përsosur. Prandaj e sigurt që ata do të përdorin disa truke shtesë për të vërtetuar se jeni vërtetë punonjësi i duhur për kompaninë e tyre.
1. Ju ofrohet një filxhan kafe
Kohët e fundit testi i “filxhanit të kafesë” po fiton popullaritet në mesin e punëdhënësve. Në fillim të intervistës, shefi e merr kandidatin në kuzhinë dhe i ofron një filxhan kafe. Pas intervistës, punëdhënësi shikon me kujdes se çfarë do të bëjë kandidati me filxhanin – do të pyesë se ku ta vendosë, thjesht do ta lërë filxhanin në tavolinë apo do ta lajë vetë në kuzhinë. Ekspertët thonë se ky truk flet shumë për karakterin dhe sjelljet e një personi, më shumë se sa përgjigjet e tyre ndaj pyetjeve aktuale të intervistës. Mund të tregojë gjithashtu se sa shpejt kandidati do të përshtatet në ekip. Vendimi më i mirë, në këtë rast, është të shkoni në kuzhinë pas intervistës dhe ta lani vetë filxhanin.
2. Shefi ju mban qëllimisht në pritje
Një tjetër ‘provokim’ që punëdhënësi i bën një punonjësi në intervistën e parë të punës, është ta lërë në pritje. Fillimisht 10 minuta, më pas 10 minuta të tjera, edhe 15 të tjera…
Përmes këtij truku shefi juaj i ardhshëm kupton se sa të qëndrueshëm jeni ju emocionalisht në situatat e presioneve në punë.
3. Shefi papritur fillon të flas me zë të lartë
Ngritja e zërit, ulëritja, madje edhe përdorimi i fjalëve fyese është një mënyrë tjetër për të modeluar një situatë stresuese dhe një shans për të kontrolluar aftësinë e kandidatit për t’i rezistuar stresit. Ekspertët ju këshillojnë të qëndroni të qetë dhe t’u përgjigjeni pyetjeve sa më me qetësi.
4. Punëdhënësi befas fillon të sillet në një mënyrë të çuditshme
Një truk tjetër është kur intervistuesi fillon të sillet çuditërisht. Kandidati mund të injorohet nga intervistuesi, ose duke parë ekranin e kompjuterit të tij ose duke iu përgjigjur një telefonate dhe duke u larguar nga dhoma në mes të intervistës.
Ky truk mund të tregojë se si kandidati do të ripërqendrojë vëmendjen e intervistuesit ose çfarë mënyrash do të përdorë për të dalë nga kjo situatë. Një nga opsionet më efektive është t’i kërkoni intervistuesit të ricaktojë intervistën për një ditë tjetër duke i dhënë vetes kështu rëndësinë e duhur.
5. Kandidati prezantohet me të gjithë ekipin
Është e mundur që shefi t’i ofrojë kandidatit një shans për të komunikuar me kolegët e mundshëm pas intervistës. Ky është një truk që punëdhënësi e përdor për të mbledhur edhe mendimet e punonjësve aktual, për atë të ardhshëm.
6. Shefi lëshon stilolapsin në dysheme
Një test tjetër që mund të ndihmojë punëdhënësin të dallojë kandidatët e përgjegjshëm dhe dashamirës është të lëshojë një stilolaps dhe të shikojë reagimin e aplikantit. Nëse kandidati instinktivisht përkulet dhe ngre stilolapsin, ka të ngjarë që ai të punësohet për këtë punë. Nëse aplikanti e lejon intervistuesin ta bëjë këtë, ka të ngjarë që ata nuk do ta bëjnë.
